PISMP JAKU IBAN

SELAMAT DATAI

 

Nyentukka diatu pelajar jaku Iban udah manggai ba tikas degree. Ba UPSI jaku Iban ti nyadi kus minor (elektif) dipelajarka nembiak berengkah ari taun 2010. Ba UNIMAS jaku Iban ti bestatus jaku ketiga mega dipelajarka berengkah ari taun 2010. Ba Institut Pematih Pengajar (IPG) Kampus Rajang, jaku Iban ti nyadi kus major dipelajarka nembiak berengkah taun 2011 ba tikas foundation. Berengkah ari bulan Januari 2013, jaku Iban dipelajarka nembiak ba tikas degree lalu tembu ba taun 2016. Ba apak kurikulum, Program Degree Bachelor Pelajar Jaku Iban (Hons) ti diambi nembiak opsyen jaku Iban disengkaum ba kus pugu major ti ngundan 15 bansa kus, lalu penyampau kredit iya bisi 45. Pengelama belajar iya nya 8 semester. Sebedau nembiak ulih ngambi Program Degree Bachelor Pelajar Jaku Iban (Hons) tu, sida deka ngambi dulu kus foundation tauka Kursus Persediaan Proram Ijazah Sarjana Muda Pendidikan (PISMP). Nyentukka taun 2014, IPG Kampus Rajang bisi ngelatih 83 nembiak ari 4 iti raban ti ngambi opsyen jaku Iban. Raban keterubah, sepenyampau 24 deka graduet November 2016. Kelimpah ari IPG Kampus Rajang, IPG Kampus Sarawak, Miri mega bisi nerima 15 iku nembiak ba taun 2014 ti ngambi PPSIMP Jaku Iban.  

MUKA RUNDING

 

Jaku endang bekaul rapat enggau bansa. Pupus jaku, pupus bansa. Enti jaku nya angkat sereta mansang, bansa kitai mega deka ditemu sereta dikelala semua orang. Nama kebuah kitai Iban ngasuh bansa diri dikelala orang bukai? Lebuh dikelala, kitai bansa Iban deka dikenang tauka dikingatka, dipebasaka, dikibuhka, dikarapka sereta dikenangika bansa bukai. 

 

PISMP JAKU IBAN AMBI JANUARI 2013